Google Translate ქართულ პოლიტიკაში

მსოფlიო გიგანტის Google-ის სათარგმნი სერვისი Google Translate ქართველი პოლიტიკოსების სახელისა და გვარის საინტერესო თარგმანს გვთავაზობს. 

დღეს სოციალურ ქსელებში გავრცელდა  „გუგლ თრანსლეითის“ ქართულ-ინგლისური თარგმანის რამდენიმე "სქრინი". მათი მიხედვით,   „ბიძინა“-ს „გუგლი“ თარგმნის როგორც Dreams (ოცნებები), ხოლო საააკაშვილს - პრეზიდენტად.

მსგავსი მარგალიტები რამდენიმე თვეა ვებმომხმარებლების ხალისიანი განწყობის თემაა. თუმცა, ყველა პოლიტიკოსს ასე არ გაუმართლა და მსგავსი უცნაური თარგმანები მხოლოდ რამდენიმეს ხვდა წილად. მაგალითად, „მიშას“ ინგლისური თარგმანი არის I (მე), სააკაშვილის - President (პრეზიდენტი), რაც, თუ შევაჯამებთ - I President (მე პრეზიდენტი) გამოდის.

„ქართული ოცნების“ ლიდერი „გუგლმა“ პირდაპირ ოცნებებს დაუკავშირა. თუმცა, "ბიძინა ივანიშვილს" პირდაპირ „ივანიშვილად“ თარგმნის, მხოლოდ "ბიძინას" ჩაწერის შემთხვევაში კი, იხილავთ მის ინგლისურ ვარიანტს - Dreams (ოცნებები).

გთავაზობთ რამდენიმე პოლიტიკოსის სახელის და გვარის „გუგლურ“  თარგმანს.

გუბაზ სანიკიძე - Check Gubaz (შეაკავე ან გააკონტროლე გუბაზი)

შალვა ნათელაშვილი - Labor (მუშა, საიდანაც წარმოდგება ლეიბორისტული პარტიის სახელი)

დავით ზურაბიშვილი - Politics (პოლიტიკოსი)

სალომე ზურაბიშვილი - She (მდედრობითი სქესის მესამე პირის ნაცვალსახელი)

ალასანია -  Eight (რვა, სავარაუდოდ, პოლიტიკური რვიანიდან გამომდინარე)

კახა ლომაია - NSC Chair (უშიშროების საბჭოს თავმჯდომარე)

გიგა ბოკერია - MP (აქვს ბევრი განმარტება. მათ შორის პარლამენტის წევრი და სამხედრო პოლიცია)

ნოღაიდელი - EX (ყოფილი)

ბურჯანაძე - speaker (სპიკერი)

მერაბიშვილი - Interior (შიდა, შინაგანი)