Thursday, September 23, 2010

პრეზენტაცია V კლ. კომპიუტერის ძირითადი მოწყობილობები


ამ პოსტით გთავაზობთ მე-5 კალსისთვის პრეზენტაციას თემაზე ”პერსონალური კომპიუტერის ძირითადი შემადგენელი ნაწილები”. პრეზენტაციაში წარმოდგენილია სისტემური ბლოკი, მონიტორი, კალავიატურა და თაგვი.

მომავალ პოსტში იგივე მასალა უფრო დაწვრილებით იქნება აღწერილი. აგრეთვე მალე დაიდება მსგავსი პრეზენტაციები კლავიატურაზე და პერიფერიაზე.

სიამოვნებით გავიზიარებ თქვენს შენიშვნებს.


პრეზენტაციის თემა: კომპიუტერის ძირითადი შემადგენელი ნაწილები
კლასი: მე-5.
წელი: 2010წ.
ავტორი: © დათო მალანია.
ხანგრძლივობა: 6 წთ.
საპრეზენტაციო პროგრამა: MS PowerPoint Presentation 2007 (.PPTX)



შეხვედრამდე

Monday, September 20, 2010

ისტ-ის ეროვნული სასწავლო გეგმა 2010-2011წწ.

ამ პოსტით გთავაზობთ ისტი-ის ეროვნულ სასწავლო გეგმას 2010-2011 სასწავლო წლისათვის





წარმატებები მოსწავლეეებს და მასწავლებლებს

Sunday, September 12, 2010

უხუცესი ვებ გვერდების ასეული

უხუცესი ვებ გვერდების ასეული ასე გამოიყურება:

1 15-March-1985 SYMBOLICS.COM
2 24-April-1985 BBN.COM
3 24-May-1985 THINK.COM
4 11-July-1985 MCC.COM
5 30-September-1985 DEC.COM
6 07-November-1985 NORTHROP.COM
7 09-January-1986 XEROX.COM
8 17-January-1986 SRI.COM
9 03-March-1986 HP.COM
10 05-March-1986 BELLCORE.COM
11 19-March-1986 IBM.COM
11 19-March-1986 SUN.COM
13 25-March-1986 INTEL.COM
13 25-March-1986 TI.COM
15 25-April-1986 ATT.COM
16 08-May-1986 GMR.COM
16 08-May-1986 TEK.COM
18 10-July-1986 FMC.COM
18 10-July-1986 UB.COM
20 05-August-1986 BELL-ATL.COM
20 05-August-1986 GE.COM
20 05-August-1986 GREBYN.COM
20 05-August-1986 ISC.COM
20 05-August-1986 NSC.COM
20 05-August-1986 STARGATE.COM
26 02-September-1986 BOEING.COM
27 18-September-1986 ITCORP.COM
28 29-September-1986 SIEMENS.COM
29 18-October-1986 PYRAMID.COM
30 27-October-1986 ALPHACDC.COM
30 27-October-1986 BDM.COM
30 27-October-1986 FLUKE.COM
30 27-October-1986 INMET.COM
30 27-October-1986 KESMAI.COM
30 27-October-1986 MENTOR.COM
30 27-October-1986 NEC.COM
30 27-October-1986 RAY.COM
30 27-October-1986 ROSEMOUNT.COM
30 27-October-1986 VORTEX.COM
40 05-November-1986 ALCOA.COM
40 05-November-1986 GTE.COM
42 17-November-1986 ADOBE.COM
42 17-November-1986 AMD.COM
42 17-November-1986 DAS.COM
42 17-November-1986 DATA-IO.COM
42 17-November-1986 OCTOPUS.COM
42 17-November-1986 PORTAL.COM
42 17-November-1986 TELTONE.COM
42 11-December-1986 3COM.COM
50 11-December-1986 AMDAHL.COM
50 11-December-1986 CCUR.COM
50 11-December-1986 CI.COM
50 11-December-1986 CONVERGENT.COM
50 11-December-1986 DG.COM
50 11-December-1986 PEREGRINE.COM
50 11-December-1986 QUAD.COM
50 11-December-1986 SQ.COM
50 11-December-1986 TANDY.COM
50 11-December-1986 TTI.COM
50 11-December-1986 UNISYS.COM
61 19-January-1987 CGI.COM
61 19-January-1987 CTS.COM
61 19-January-1987 SPDCC.COM
64 19-February-1987 APPLE.COM
65 04-March-1987 NMA.COM
65 04-March-1987 PRIME.COM
67 04-April-1987 PHILIPS.COM
68 23-April-1987 DATACUBE.COM
68 23-April-1987 KAI.COM
68 23-April-1987 TIC.COM
68 23-April-1987 VINE.COM
72 30-April-1987 NCR.COM
73 14-May-1987 CISCO.COM
73 14-May-1987 RDL.COM
75 20-May-1987 SLB.COM
76 27-May-1987 PARCPLACE.COM
76 27-May-1987 UTC.COM
78 26-June-1987 IDE.COM
79 09-July-1987 TRW.COM
80 13-July-1987 UNIPRESS.COM
81 27-July-1987 DUPONT.COM
81 27-July-1987 LOCKHEED.COM
83 28-July-1987 ROSETTA.COM
84 18-August-1987 TOAD.COM
85 31-August-1987 QUICK.COM
86 03-September-1987 ALLIED.COM
86 03-September-1987 DSC.COM
86 03-September-1987 SCO.COM
89 22-September-1987 GENE.COM
89 22-September-1987 KCCS.COM
89 22-September-1987 SPECTRA.COM
89 22-September-1987 WLK.COM
93 30-September-1987 MENTAT.COM
94 14-October-1987 WYSE.COM
95 02-November-1987 CFG.COM
96 09-November-1987 MARBLE.COM
97 16-November-1987 CAYMAN.COM
97 16-November-1987 ENTITY.COM
99 24-November-1987 KSR.COM
100 30-November-1987 NYNEXST.COM

Saturday, September 11, 2010

გუგულის კვერცხები




სტატიაში გამოყენებულია გუგლის საძიებო სისტემების ვიცე პრეზიდენტის მარისა მაიერის ბლოგის მასალა, რომელიც გამოყვეყნებულია 08.09.2010

აგრეთვე Google Help მასალები



ცოცხალი ძებნა გუგლში

აკრიფო შეკითხვა და მომენტალურად მიიღო შედეგები. როგორი მშვენიერი, მარტივი იდეაა! როცა ჩვენ მომავალის ძებნას წარმოვიდგენდით, ხშირად ვფიქრობდით, რა კარგი იქნებოდა ძებნა ცალკეული შეკითხვების სახით შეგვესრულებინა და ძებნის შედეგები აკრეფის მომენტში გამოგვეტანა. დემო ვერსიებიც კი შეიქმნა (1991 წელს ამიტ პატელის მიერ და 2003 წელს ნიხილ ბხატლის მიერ). ამ ვერსიებს ლამაზი დიზაინი ჰქონდათ, ინტერაქტიურები იყვნენ და ჩქარა მუშაობდნენ. მაგრამ მათ ერთი ფუნდამეტალური ნაკლი ჰქონდათ (არავის არ უნდოდა დაუსრულებელი შეკითხვის შედეგის ნახვა (მომხმარებელს არ სჭირდებოდა მოტო ჩ შეკითხვის შედეგი, თუ ეს ადამიანი მოტო ჩაფხუტს ეძებდა). ყველას უნდოდა რომ ძებნას გამოეცნო მისი შეკითხვა და შედეგები მანამდე გამოეტანა, სანამ საძიებო ტექსტი ბოლომდე იქნებოდა აკრეფილი.


შეგიძლიათ წარმოიდგინოთ, თუ რამდენად ტრივიალური ამოცანაა? ზუსტად ამიტომაც ჩვენ მოხარული ვართ წარმოგიდგინოთ პროდუქტი ცოცხალი ძებნა გუგლში. ეს არის სერვისი, რომელიც ძიების შედეგებს მანამდე გიჩვენებთ, ვიდრე თქვენ ბოლომდე შეიყვანეთ ტექსტი. ცოცხალი ძებნა საძიებო ზოლში აკრეფილ ტექსტს გადაამუშავებს, ახდენს შეკითხვის ფორმულირებას, რომელსაც სავარაუდოდ თქვენ გულისხმობთ, და დროის რეალურ რეჟიმში გამოაქვს შედეგები. ცოცხალი ძებნის შედეგად მომხმარებლები ღებულობენ ჭკვიან და ჩქარ ტექნოლოგიას, რომელიც ასევე მაქსიმალურად ეფექტურია.



რისთვისაა ის საჭირო? დადასტურებულია, რომ ტექსტის შეყვანაზე გაცილებით მეტი დრო იხარჯება, ვიდრე ბმულების დათვალიერებაზე. კლავიშების დაჭერებს შორის 300 მილიწამი გადის, ხოლო შედეგებზე თვალის გადავლება 30 მილიწამში ხდება, ანუ 10-ჯერ ნაკლები. ეს კი ნიშნავს იმას, რომ ტექსტის შეტანა და შედეგების გამოტანა ერთდროულადაა შესაძლებელი.


მთავარი განსხვავება ჩვეულებრივ და ცოცხალ ძებნას შორის გამოიხატება იმაში, რომ ახლა საჭირო ინფორმაციას თქვენ გაცილებით სწრაფად იღებთ, რადგან შეკითხვის მთელი ტექსტის შეყვანა და Enter-ზე დაჭერა არაა აუცილებელი. ამასთან ცოცხალი ძებნის დროს შედეგები უშუალოდ საძიებო ფრაზების შეყვანის მომენტში უკვე ჩანს. ეს ნიშნავს იმას, რომ შეკითხვის ფრაზები შეგიძლიათ ძიების დასრულებამდე ცვალოთ, მანამ სანამ სასურველ შედეგებს არ მიიღებთ. სულ მალე ალბათ წარმოუდგენელიც იქნება იმის გააზრება, რომ ოდესღაც ძებნა სხვანაირი იყო.


უპირატესობები:

სწრაფი ძებნა: ცოცხალი ძიების შემთხვევაში შედეგები ეკრანზე გამოტანილია საძიებო ფრაზის უშუალოდ შეყვანის პარალელურად, რაც თითოეულ შეყვანაზე 2-დან 5 წამამდე ეკონომიას იძლევა.


დაზუსტებული მინიშნებები: იმ შემთხვევაშიც კი, როცა თქვენ დარწმუნებული არ ხართ სწორად როგორ ჩამოაყალიბოთ შეკითხვა, მინიშნებების სისტემა დაგეხმარებათ მოძებნოთ საჭირო სიტყვები. ამასთან საუკეთესო მითითება პირდაპირ საძიებო ზოლში გამოჩნდება (მონიშნულია ნაცრისფერი ზოლით). და თუ ის მოერგება თქვენს მიზანს, თქვენ არ მოგიწევთ მთელი შეკითხვის ბოლომდე აკრეფა - შედეგები უკვე გამოტანილია ეკრანზე


მომენტალური შედეგები: აქამდე აუცილებელი იყო საძიებო სიტყვის თავიდანვე მითითება, ხოლო შემდეგ Enter-ზე დაჭერა (ერთი პერიოდი ესეც მნიშვნელოვანი გარღვევა იყო). ახლა თქვენ შეკითხვის შეტანის პროცესში ხედავთ სავარაუდო შედეგებს და ამავე დროს საძიებო სიტყვის სრულად აკრეფამდე შეგიძლიათ დაეთანხმოთ ან შეცვალოთ ძიების მიმართულება.


საინტერესო ფაქტები:

  • ერთი საძიებო შეკითხვის ფორმირებაზე საშუალოდ იხარჯება 9 წამი. ჩვენთვის ცნობილია შემთხვევები, როცა მსგავს ოპერაცაზე 30დან 90 წამამდე იხარჯებოდა.

  • ცოცხალი ძიების შემთხვევაში შესაძლებელია 2-დან 5 წამამდე დროის ეკონომია.

  • ჩვენ გამოვითვალეთ, რომ თუ ყველა გადავა ცოცხალ ძიებაზე, ეკონომია შეადგენს 3,5 მილიარდ წამს დღეში ანუ 11 საათს წამში (მიაქციეთ ყურადღება დ.მ. )

  • გუგლის ცოცხალ ძიებაში გამოყენებულია 15 ახალი ტექნოლოგია.


ხდკ:

სად მუშაობს ცოცხალი ძებნა?

ცოცხალი ძებნა თანდათანობით ჩაირთვება საფრანგეთში, გერმანიაში, ესპანეთში, რუსეთში, იტალიაში, დიდ ბრიტანეთში და ამერიკაში. ლოკალურ დომენებზე (არა Google.com, ვთქვათ Google.ge), ცოცხალი ძებნის ჩასართავად უნდა შეხვიდეთ თქვენს ანაგრიშში. ანუ ხელმისაწვდომია მხოლოდ რეგისტრირებული მომხმარებლებისთვის. რამდენიმე თვეში დაემატება ახალი დომენები და ქვეყნები.


ცოცხალი ძებნა გავლენას ახდენს თუ არა ინტერნეტის სიჩქარეზე?

ცოცხალმა ძებნამ ინტერნეტ-კავშირის სიჩქარეზე გავლენა არ უნდა იქონიოს. დაბალი კავშირის შემხვევეაში სისტემა ავტომატურად ითიშება (თქვენს თავზე შეგიძლიათ გამოსცადოთ დ.მ.) მიუხედავად იმისა, რომ გამოტანილი მონაცემების რაოდენობა იზრდება, ამ ფუნქციის გამოყენების დატვირთვა გაცილებით ნაკლებია, ვიდრე ვიდეო-სტრიმინგი, ან ონლაინ თამაშის გაშვება. ამას გარდა, ჩვენ ვეცადეთ ძებნის დროს გადაცემული მონაცემები მინიმუმამდე დაგვეყვანა. ამიტომ, ძიებისას ცვალებადი შედეგების გამოტანის დროს მხოლოდ ახალი მონაცემები გამოიტანება. სტატიკური ელემენტები არ განახლდება.


რომელ ბრაუზერებში მუშაობს ცოცხალი ძიება

სისტემა თავსებადია შემდეგ ბრაუზერებთან: Chrome 5 და 6, Firefox 3, Safari 5 Mac-თვის და Internet Explorer 8. ოპერაში ცოცხალი ძიება მალე ჩაირთვება.

მობილურ მოწყობილობებზე თუ მუშაობს ცოცხალი ძებნა

არა, ცოცხალი ძებნის ფუნქცია ჯერჯერობით მობილურ მოწყობილობებზე არ მუშაობს.


იმედი გვაქვს, ცოცხალი ძებნა მოგეწონებათ, მაგრამ თუ გადაწყვეტთ დაუბრუნდეთ ძებნის ძველებურ რეჟიმს, მაშინ თქვენ ყოველთვის შეგიძლიათ ამ ფუნქციის ამორთვა.


გასინჯეთ და გაგვიზაიარეთ შთაბეჭდილებები. აბა ვინ იქნება ნათლია, იქნებ რამე სახელიც შევურჩიოთ


დ.მ.

Friday, September 10, 2010

როგორ მზადდება ინტელის პროცესორები

მასალა გადმოტანილია -დან მცირე ორთოგრაფიული შესწორებებით


ყველას გაინტერესებთ ალბათ თუ როგორ მზადდება თქვენს კომპიუტერებში არსებული პროცესორები და მათი კრისტალები რომლებშიც ასობით მილიონი ტრანზისტორია ერთმანეთთან დაკავშირებული. ეს სტატია გადმოთარგმნილია Intel-ის საიტიდან და აღწერს პროცესორის წარმოების უმთავრეს ფაზებს, კონკრეტულად კი Nehalem არქიტექტურის წარმოებას...




ქვიშა... სილიკონის 25%-იანი შემადგენლობით, არის დედამიწაზე ჟანგბადის შემდეგ ყველაზე გავრცელებული ელემენტი. ქვიშა, განსაკუთრებით კი კვარცი, შეიცავს დიდი რაოდენობით სილიკონს სილიკონის დიოქსიდის სახით. სილიკონის დიოქსიდი კი ნახევრადგამტარების საწარმოებელი საბაზო ინგრედიენტია.










ქვიშის მოპოვების შემდეგ, ხდება სილიკონის გაწმენდა სხვადასხვა ნივთიერებებისგან. გაწმენდა მიმდინარეობს რამოდენიმე ეტაპად, მანამ სანამ არ მიიღწევა საკმარისი ხარისხის სილიკონი ნახევრადგამტარების საწარმოებლად - მას ეძახიან ნახევრადგამტარ სისუფთავის სილიკონს. ასეთად დამუშავებული სილიკონის მილიარდ სილიკონის ატომებზე მოდის მხოლოდ ერთი უცხო ატომი. გაწმენდის ფაზის შემდეგ იწყება გადნობის ფაზა, გამდნარი სილიკონისგან მიღებულ მასას ეძახიან მონო კრისტალურ ზოდს



მონო კრისტალური ზოდის დიამეტრი არის 300mm რაც დაახლოებით 12 ინჩია, მისი სიმძიმე კი 100კგ-ა (=220 პაუნდი) იგი 99.9999%-ით სილიკონისგან შედგება. (იქნებ რომელიმე თქვენთაგანმა შეძლოს ამ ერთეულების მეტრულ ერტეულებად გადაყვანა)



მიღებული სილიკონის ზოდი (300მმ /12 ინჩი) იჭერება სპეციალური ხერხით ფენებად, რომლებსაც ვაფლები ეწოდებათ (wafers).




დაჭრის შემდეგ ვაფლები პრიალდება მანამ, სანამ მათ არ ექნებათ სარკისებრი ზედაპირი. ინტელი ყიდულობს გამზადებულ ვაფლებს სხვა კომპანიისგან. 45nm High-K/Metal ტექნოლოგიის გამო ინტელი იყენებს 300მმ დიამტერის ვაფლებს. როდესაც ინტელმა დაიწყო ჩიპების წარმოება, იგი იყენებდა 50mm ვაფლებს. 300მმ ვაფლები კი იძლევა წარმოების თანხის დაზოგვის საშუალებას (შესაძლებელია იყოს უზუსტობა - დ.მ.)





ზედა სურათზე ნაჩვენებია რომ ლურჯი სითხე ესმევა ვაფლს, რომელიც ტრიალებს ამ პროცესის დროს რათა სითხე თანაბრად განაწილდეს ზედაპირზე და ამავდროულად იყოს ძალიან თხელი და ძალიან პრიალა. ეს სითხე ქმნის ფოტორეზისტულ შრეს. ეს თითქმის იგივენაირია რაც გამოიყენება ფოტოფირებში.





ამის შემდეგ ვაფლს ფოტორეზისტულ შრესთან ერთად ასხივებენ ულტრაიისფერ შუქს. ქიმიური რეაქცია, რომელიც ხდება შრეზე ულტრაიისფერი შუქის ზემოქმედებით, ძალიან ჰგაქვს ფოტოფირზე მომხდარი რეაქციისას, რომელიც ხდება კამერაზე ღილაკის დაჭერის შემდეგ. ფოტორეზისტული მასალის ის ადგილები, რომლებზეც მოხვდება ულტრაიისფერი შუქი გამოსხივების შემდეგ იხსნება. ვაფლის ადგილების დასხივება ხდება სპეციალური შაბლონის საშუალებით. ულტრაიისფერი გამოსხივებით შაბლონები ქმნიან ჩიპის სხვადასხვა სტრუქტურულ ელემენტებს. პროცესორის შექმნის დროს ეს ეტაპი მეორდება რამოდენიმეჯერ შრეების ერთმანეთზე დადებისას. ლინზა, რომელიც შაბლონისა და ვაფლის შუაშია განთავსებული, ახდენს ულტრაიისფერი გამოსხივების ერთ ადგილზე ფოკუსირებას, რის შემდეგაც შრეზე გამოსახული ანაბეჭდი შაბლონზე 4-ჯერ პატარაა.





თითო ასეთი ვაფლიდან ათასი პროცესორი შეიძლება გაკეთდეს, ხოლო მაღლითა სურათზე გამოსახულია ერთი ტრანზისტორი (წარმოიდგინეთ რა პატარაა). ტრანზისტორი მუშაობს როგორც გადამრთველი, რომელიც მართავს ელექტრონულ მუხტის ნაკადს პროცესორში. ინტელის ინჟინრებმა შემქნეს ისეთი პატარა ტრანზისტორები, რომ ნემსის წვერზე შეიძლება დაეტიოს 30 მილიონი ტრანზისტორი!.






ულტრაიისფერი დასხივების შემდეგ ლურჯი შრის ის ნაწილები, რომლებზეც სხივი დაეცა მთლიანად იხსნება სპეციალური სითხის მეშვეობით. ბოლოში კი რჩება მასკით დაფარული შრის ადგილები და აქედან იწყება ტრანზისტორების, მათი მაკავშირებლების და პროცესორის სხვა ელექტრული ჯაჭვების კეთება.






ფოტორეზისტული შრე იცავს ვაფლის იმ ადგილებს, რომლებსაც არ უნდა მოხვდეთ ქიმიკატები, ხოლო დარჩენილ ადგილებს ხვდებათ ქიმიკატები, რის შედეგადაც დაუფარავი ვაფლის ნაწილი ირეცხება.




ქიმიკატებით გრავირების შემდგომ ეტაპზე ხდება ლურჯი ფოტორეზისტული შრის მოშორება. რის შემდეგადაც რჩება საჭირო ფორმა





ამის შემდეგ ახლიდან ედება ფოტორეზისტული ლურჯი ფენა ვაფლს, და ახლიდან ხდება მასკის მეშვეობით ულტრაიისფერი დასხივება. შემდეგ ფოტორეზისტული შრე კიდევ ირეცხება და იწყება ახალი ეტაპი - იონის იმპლანტაცია. ამ ეტაპზე ვაფლის ზოგიერთი ადგილი ივსებს იონებით რის შედეგადაც სილიკონი იცვლის თავის ფიზიკურ თვისებებს და აძლევს პროცესორს საშუალებას მართოს ელექტრული მუხტის ნაკადები.





იონების ჩაშენების დროს, სილიკონის ვაფლის ღია ადგილები იბომბებიან იონებით. იონები იჭრებიან სილიკონში და მაშინ ხდება სილიკონის გამტარობის შეცვლა. იონები ვაფლს ხვდებიან ძალიან დიდი სიჩქარით, ელექტრული ველი იონებს ასწრაფებს 300 000 კმ/ს-მდე!





იონების იმპლანტაციის შემდეგ ფოტორეზისტული შრე ცილდება და მატერიალი რომელზეც მოხდა იონის ინპლანტაცია (მწვანე), აქვს უცხო ატომები.




ტრანზისტორი უფრო და უფრო უახლოვდება დასრულებულ სახეს, ტრანზისტორზე წასმულ ინსულაციის შრეზე (იისფერი) კეთდება სამი ნახვრეტი, რომლებში გატარდება სპილეძი, რითაც ტრანზისტორები დაუკავშირდებიან ერთმანეთს.




ამ ეტაპზე ვაფლებს უშვებენ სპილენძის სულფატში. სპილენძის იონები ჯდებიან ტრანზისტორზე პროცესით რომელსაც Electroplating ქვია. სპილენძის იონები გადიან დადებითი ელექტროდიდან (ანოდი) ნეგატიური ელექტროდსიკენ (კათოდი) რომელიც არის ჩვენი ვაფლი



სპილენძი იონები ედებიან ვაფლის ზედაპირს თხელი შრის სახით.




ამის შემდეგ ხდება გაპრიალება და ზედმეტი სპილენძი შორდება ზედაპირს





მეტალის წასმა ხდება რამოდენიმე ეტაპად, რაც საშუალებას იძლევა სხვადასხვა ტრანზისტორის დაკავშირებისა (შეიძლება შევადაროთ მავთულების შეერთებას). ასეთი შეერთებების გადანაწილებით ხდება პროცესორის არქიტექტურის შექმნა, ეს უკვე შემქმნელების ჯგუფზეა დამოკიდებული, გააჩნია რომელი ჯგუფი რომელ პროცესორს აკეთებს (მაგალითად Intel Core i7). იმის მიუხედავად რომ პროცესორი ძალიან თხელი ჩანს, იგი შეიძლება შედგებოდეს 20-ზე მეტი შრისგან. თუ თქვენ კარგად დააკვირდებით ჩიპის გადიდებულ სურათს, აღმოაჩენთ ძალიან რთულ შეერთებების და ტრანზისტორების სისტემას, რაც ძალიან გავს ფუტურისტულ მრავალდონიანი ტრასის სისტემას.





სურათზე გამზადებული ვაფლის ნაწილი გადის ფუნქციონალობის პირველ ტესტს. ამ ეტაპზე სატესტო სინჯებს აკეთებენ ყველა ჩიპზე რის შედეგადაც ფასდება ჩიპის სიგნალები და ხდება ამ სიგნალების შედარება ეტალონურ სიგნალებთან





მას შემდეგ რაც გაირკვევა, რომ ვაფლი შედგება საკმარისი მუშა ჩიპებისგან, იგი იჭრება ნაწილებად (კრისტალებად).





კრისტალები, რომლებმაც გაიარეს ტესტები, გადავლენ შეფუთვის შემდეგ ეტაპზე, უვარგისი კრისტალები წუნდებულ კრისტალებს უერთდება. რამოდენიმე წლის წინ ინტელმა გამოუშვა ბრელოკები გაფუჭებული კრისტალებით.






ილუსტრაციაზე ნაჩვენებია ცალკეული კრისტალი, რომელიც იქნა ამოჭრილი ვაფლიდან. თუ უფრო დავკონკრეტდებით, თქვენ წინაშეა Core i7-ს კრისტალი.





პროცესორის PCB, კრისტალი და სითბოს გადამანაწილებელს აერთებენ პროცესორის დასრულებული სახის მისაღებად. მწვანე PCB უზრუნველყოფს მექანიკურ და ელექტრონულ ინტერფეისს პროცესორისთვის. ხოლო სითბოს გადამანაწილებელი მეტალი, პროცესორის ქულერთან ერთად აგრილებს კრისტალს.





მიკროპროცესორს შეიძლება დავარქვათ დედამიწაზე ყველაზე რთული საწარმოო პროდუქტი. ფაქტიურად წარმოება ხდება რამოდენიმე ასეული ნაბიჯით, მაგრამ ამ სტატიაში მხოლოდ რამოდენიმე მნიშვნელოვანი ნაბიჯია აღწერილი.





ფინალური ტესტის დროს, პროცესორები მოწმდებიან მთავარ მახასიათებლებზე მათ შორისაა სითბოგამტარობა და მაქსიმალური სიხშირე.





ტესტების შემდეგ პროცესორები ნაწილდებიან სხვადასხვა დაფებზე, ინგლისურად ამ ეტაპს binning ეწოდება. ამ ეტაპზე ირკვევა პროცესორის სტოკ სიხშირე და ხდება მათი მარკირება რის შემდეგაც პროცესორები იყიდებიან სხვადასხვა სპეციფიკაცებით.





გამზადებული და გატესტილი პროცესორები იყიდებიან ან ყუთებით სისტემების ამწყობთათვის ანდა მაღაზიებისთვის OEM შეფუთვით.

ფაილის ჩაწერა დაშორებულ კომპიუტერში

რამოდენიმე რჩევა იდეის დონეზე

დაშორებულად კომპიუტერში ინტერნეტში განთავსებული ფაილების ჩასწერად შეგიძლიათ გამოიყენოთ
1. uTorrent-ი ტორენტებისათვის
2. GetRight PRO http/ftp ბმულებისვის
3. ოპერას მოჰყვება უნიტი, რომლის მეშვეობით შესაძლებელია აააწყო დაშორებული ფაილ სერვერი შემდეგი სახით პირველი კომპი home.saxeli.operaunite.com/file და meorekompi. xeli.operaunite.com/file

დეტალურად მოგვიანებით შეგეხმიანებით.

როგორ დავწეროთ წერილი

მასალა ცვლილებების გარეშე აღებულია ჟურნალიდან
დ.მ.

სტრუქტურა, ტექნიკა და რჩევები
დარწმუნებით შემიძლია ვთქვა, რომ საქართველოში წერილის წერის შესახებ ძალიან ცოტამ თუ იცის რამე, რატომ შემიძლია დარწმუნებით ამის თქმა? იმიტომ, რომ არაერთი სახელმწიფო/კერძო ორგანიზაციიდან ან მეგობრისგან მომსვლია წერილი, რომელიც იმდენად აბნეულ-დაბნეულია ვერ გაიგებს ადამიანი სად იწყება ტექსტი და სად მთავრდება, რასაც ვერ ვიტყვით უცხო ქვეყნის კომპანიებიდან მოსულ წერილებსა თუ მათზე პასუხებს. ბევრს მნიშვნელოვნად არ მიაჩნია ზემოთხსენებული საკითხი, მაგრამ კულტურა როგორც ასეთი არსებობს და რატომ არ უნდა ავითვისოთ არ მესმის, ამიტომ გადავწყვიტე ამ პატარა სტატიის დაწერა, რომელიც შედგენილია არა მხოლოდ ჩემი გამოცდილებით და „პრინციპებით“, არამედ სხვადასხვა უცხოელი სპეციალისტის მიერ (უამრავი ოფიციალური დოკუმენტი წავიკითხე და შევისწავლე ამ საკითხთან დაკავშირებით სანამ სტატიის წერას შევუდგებოდი). წერილის სტრუქტურა არის ყველაზე მნიშვნელოვანი და ამავდროულად ყველაზე მარტივი შესადგენი რაც აერთიანებს თემას, მისალმებას, ტექსტის შინაარსს, დანართს (attachment) და დამშვიდობებას, ყველა საკითხზე ვილაპარაკებ შეძლებისდაგვარად მარტივად და გასაგებად დავიწყოთ თემით.

Subject/თემა:


თემა არის ძალიან მნიშვნელოვანი საკითხი წერილის წერის დროს, მაგალითად თუ ჩვენ გვსურს მივწეროთ რაიმე ორგანიზაციას წერილი მაჩვების გადარჩენის საკითხთან დაკავშირებით თემაში არავითარ შემთხვევაში არ ჩაწეროთ: გამარჯობა, მოგესალმებით, კითხვა, შემოთავაზება და ა.შ. მიწერეთ კონკრეტულად ის თემა რაზეც აპირებთ წერილში საუბარს ამ შემთხვევაში უნდა ჩაიწეროს თემაში: „მაჩვების გადარჩენასთან დაკავშირებით“, კითხვა იქნება ეს თუ შემოთავაზება წერილის ტექსტში გაირკვევა, არ არის საჭირო მიაწეროთ „შემოთავაზება...“ ან „კითხვა...“. გაითვალისწინეთ, რომ თემის მიხედვით წყვეტს მიმღები წაიკითხოს თუ არა წერილი (სპამის/მასიური წერილების ეპოქაში), თემა უნდა იყოს მარტივი. ასახავდეს წერილის შინაარსს, აგრეთვე ეცადეთ შედგებოდეს მაქსიმუმ 3-4 სიტყვით.

მისალმება


დამეთანხმებით ძალიან სასიამოვნოა როდეაც სახელით მოგმართავენ. გაითვალისწინეთ, რომ თქვენი წერილის ადრესატსაც სიამოვნებს, შესაბამისად:
1. თუ თქვენთვის მისი სახელი ცნობილია მიმართეთ ასე:
გამარჯობა გიორგი,
ნუ „გადააკვდებით“ თავზე მისალმებაში :-) თუ მოსაკითხია ვინმე (მაგალითად მეგობარს როდესაც წერთ) ტექსტში მოიკითხეთ და არა მისალმებაში.
2. თუ რაიმე საიტს წერთ მაგალითად კომპინფოს დაიწყეთ ასე:
გამარჯობა კომპინფო,
3. თუ რაიმე ორგანიზაციას წერთ მაშინ ასე:
მოგესალმებით,
4. თუ წერილის მიმღები არის თქვენი უფროსი, ან თქვენზე მაღალი წოდების მქონე პირი სასურველია მიმართოთ ასეთი ტექსტით:
მოგესალმებით ბატონო თემურ,
არავითარ შემთხვევაში არ დაწეროთ გამარჯობათ (არასწორია!) თუ მაინცდამაინც ზრდილობიანობის გამოჩენა გსურთ დაწერეთ მოგესალმებით.

ტესქტის შინაარსი


1. ტექსტის შინაარსი უნდა იყოს შეძლებისდაგვარად მოკლე (არავის სიამოვნებს 5 ფურცლიანი წერილის კითხვა, რასაკვირველია თუ დედას ან ძალიან ახლობელ ადამიანს არ წერთ, მათთან რაც შეიძლება ბევრი ისაუბრეთ), კონკრეტული და ჩამოყალიბებული (არ გადახტეთ სხვადასხვა თემებზე, დაიცავით ტექსტის შინაარსის სტრუქტურა, თუ რამოდენიმე თემაზე გსურთ მიწერა ჯერ ერთი ჩამოაყალიბეთ და შემდეგ მეორე და ა,შ,)
2. რამოდენიმე კითხვის ან საკითხის დასაშორებლად გააკეთეთ აბზაცი ან გამოყავით 2 ხაზით.
3. თუ რაიმე ორგანიზაციიდან წერთ სხვა ორგანიზაციას ან კერძო პირს წერილი დაიწყეთ თქვენი სახელით, გვარით და თანამდებობით, რათა დაადასტუროთ თქვენი ოფიციალობა:
მაგ.: ჩემი სახელია გიორგი მელითაური და გწერთ IBM-ის ტექნიკური მხარდაჭერიდან (მოვინდომე :-) ).
ან თუ მანამდეც გქონიათ საუბარი მიწერეთ ასე:
მაგ.: კვლავ გიორგი გიორგი მელითაური გწერთ IBM-ის ტექნიკური მხარდაჭერიდან.
რადგან ბევრ კომპანიას აქვს ერთი ელ.ფოსტა რომელზეც სხვადასხვა ტექნიკური მხარდაჭერის წევრები პასუხობენ.
4. არ დაწეროთ ტექსტი (თუ ინგლისურად წერთ) მაღალი რეგისტრის ასოებით, მიმღებს შეიძლება ეგონოს, რომ არ იცით Caps Lock ღილაკის გამოყენება :-)
5. თუ ქართველს წერთ (ორგანიზაციას/კერძო პირს) ძალიან სასიამოვნოა, როდესაც ქართულად კითხულობს ტექსტს და არა ინგლისური ასოებით ქართულად (გაითვალისწინეთ ზოგიერთი საფოსტო სერვერი ვერ კითხულობს ქართულ ტექსტს მაგ.: Mail.ru).
6. ეცადეთ არ დაუშვათ შეცდომები, რადგან მიმღებს აუცილებლად გაუჩნდება ეჭვი თქვენს კვალიფიკაციაზე, თუნდაც არ იყოთ რაიმე საკითხში კვალიფიციური გრამატიკულად სწორად შედგენილი წერილი ყოველთვის სასიამოვნოა.
7. თუ წერთ რაიმე ორგანიზაციას წერილს არავითარ შემთხვევაში არ გამოიყენოთ სლენგი (თუ მაინცდამაინც საჭიროა ჩასვით „ბრჭყალებში“), მეგობართან როგორც გსურთ ისე ილაპარაკეთ :-)
8. თუ წერთ რაიმე ორგანიზაციას წერილს არ გამოიყენოთ „სმაილები“ მიმღებს შეიძლება წარმოდგენა შეექმნას, რომ დასცინით ან უბრალოდ უსიამოვნოდ მიიღოს.
9. თუ წერთ პასუხს წერილზე თემაში აუცილებლად დატოვეთ „RE: თემა“ ადრესატი მიხვდება თუ რა თემასთან აქვს საქმე დანახვისთანავე, აგრეთვე არ წაშალოთ წინა წერილები რათა ადრესატმა საჭიროების შემთხვევაში გადახედოს წინა საუბარს.


Attachment/დანართი


თუ დანართის გაგზავნა აუცილებელია ეცადეთ, რომ თემასთან მაქსიმალურად კავშირში იყოს:
1. თუ უგზავნით თქვენს თანამშრომელს ცხრილს „მაისის თვის შემოსავლებთან“ დაკავშირებით დაურთეთ შემდეგი დასახელების ფაილი maisi_tvis_shemosavali.xls. არ ერგება თემას „მაისის თვის შემოსავლები“ naxe.xls.
2. თუ რაიმე კომპანიის ტექნიკური მხარდაჭერის წევრს უგაზვნით სურათს პრობლემის შინაარსით, არ დაურთოთ ფაილი სახელით Image.jpg ეცადეთ ისეთი სახელი დაარქვათ რაც პრობლემასთან დაკავშირებულია.
3. სასურველია წერილის მიმდინარეობისას ახსენოთ დანართი:
მაგ. იხ. დანართი, თუ რამოდენიმეა ასეთი მაშინ იხ. დანართი ნომერი 1, ნომერი 2 და ა.შ.
წინააღმდეგ შემთხვევაში მიმღებს, შეიძლება უბრალო „სპამი“ ეგონოს და არ გახსნას.



დამშვიდობება


აქ დიდი არაფერი დასაწერი არ მაქვს ვახსენებ მხოლოდ ერთს, როდესაც წერილის ადრესატი არის თქვენი უფროსი, თქვენზე მაღალი წოდების პირი ან რაიმე ორგანიზაცია სასურველია გამოიყენოთ შემდეგი სიტყები „პატივისცემით, გიორგი მელითაური“, „კეთილი სურვილებით, გიორგი მელითაური“ და სხვ.

რამდენიმე ტექნიკური საკითხი


მასიური დაგზავნა


თუ გსურთ მასიურად დააგზავნოთ წერილები, შეგიძლიათ განყოფილებაში „To“ ჩაწეროთ ბევრი ელ.ფოსტის მისამართი ერთდროულად შემდეგნაირად:
lamara@nukiri.com; zezva@mzia.com; arsena@marabdeli.com; და ა.შ. ანუ ყოველი ფოსტის შემდეგ წერტილმძიმე და გამოტოვება, ეს მეთოდი მუშაობს ყველა საფოსტო სერვერზე თუ კლიენტში მე რაც გამომიყენებია (რაც არც თუ ისე ცოტაა :-))
გაფრთხილება: ამ მეთოდით შეიძლება იგზავნებოდეს „სპამი“ (მასიური წერილების გზავნა) შესაბამისად ზოგიერთმა საფოსტო სერვერმა შეიძლება გააუქმოს თქვენი მომხმარებელი, ამიტომ თქვენს ქმედებაზე ადმინისტრაცია და სტატიის ავტორი პასუხს არ აგებენ!


CC (Carbon Copy)


პრინციპში Carbon ნახშირს ნიშნავს მაგრამ რა შუაშია არ ვიცი :-) ამიტომ ამ ფუნქციას დავარქვათ უბრალოდ ასლი. მისი გამოყენების ერთადერთი მიზანია სხვა მომხმარებელსაც გაუგზავნოთ იგივე წერილი, მაგრამ ორივე მიმღები დაინახავს, რომ წერილი სხვასაც გაეგზავნა.


BCC (Blind Carbon Copy)


ეს საერთოდ მაგიჟებს ბრმა ნახშირი გინახავთ სადმე? :-) ამიტომ დავარქვათ ბრმა ასლი, მისი გამოყენების მიზანია გაუგზავნოთ იგივე წერილი სხვა მომხმარებელსაც, მხოლოდ ვერცერთი მომხმარებელი ვერ დაინახავს, რომ სხვასაც მიუვიდა თქვენგან ეს წერილი

ბოლოს
არ გეგონოთ ვიღაცას ჭკუას ვასწავლიდე ან წერის მანერას ვუწუნებდე :-) უბრალოდ არსებობს კულტურა და მსურს, რომ ყველამ გამოიყენოს ის, მითუმეტეს სახელმწიფო და კერძო ორგანიზაციების თანამშრომელმა, ასე თუ ისე კერძო პირებს არ ეხებათ თუმცა მათაც არ აწყენდათ ამ კულტურის ცოდნა, ცუდია უბრალოდ ცუდი წერილის წაკითხვა რომ გიწევს და თან იმაზე ფიქრი თუ რისი თქმა სურდა ავტორს :-) აქვე თვალსაჩინეოებისთვის დავამატებ სურათს, თუ როგორ უნდა დაიწეროს წერილი (პრეტენზია არ მაქვს იდეალურობაზე!)


ნაკადული:

მაგიური 0 და 1

მასალა ცვლილების გარეშე აღებულია ჟურნალიდან
დ.მ.


შესავლისმაგვარი

ადამიანი აზროვნებს თვლის ათობით სისტემაში ანუ მას უადვილდება ოპერაციების ჩატარება ისეთ რიცხვებზე რომლებიც წარმოიდგინებიან მხოლოდ 10 ციფრისაგან, 0-დან 9-მდე. რატომ ? რა ვიცი, ალბათ იმიტომ რომ ხელებზე ათი თითი გვაქვს და აღქმაც აქედან დაიწყო.
ათობითი რიცხვებია მაგ:

500, 10, 1, 59, 627.

თვლის სისტემები შეიძლება იყოს უამრავი. რაც შეეხება ციფრულ ტექნიკას და მათ შორის კომპიუტერებსაც ისინი “აზროვნებენ” თვლის ორობით სისტემაში ანუ მათში შეიძლება წარმოვადგინოთ მხოლოდ ორი ციფრი: 0 და 1, და რიცხვები რომლებიც შესდგებიან მხოლოდ ამ ორი ციფრისგან, რატომ ? ალბათ იმიტომ რომ მათ ათი თითი არა აქვთ.
ორობითი რიცხვებია მაგ:

0110, 101, 110101, 00001, 10.

თუ რას წარმოადგენს თითოეული ეს ჩანაწერი ამას შემდეგში დაწვრილებით განვიხილავთ. ხშირად ამ ციფრებს ასეც უწოდებენ “ლოგიკური 0” და “ლოგიკური 1”. სინამვილეში ისინი შეესაბამებიან ძაბვის ორ განსხვავებულ მნიშვნელობას: დაბალი (ლოგიკური 0) და მაღალი (ლოგიკური 1). ამ საკითხის ზუსტი განხილვა სცილდება ჩვენი თემის ფარგლებს. შემდგომში ვიხმართ ტერმინებს, უბრალოდ “ნული” და “ერთი”; პროგრამირების თვალსაზრისით არ არის საჭირო შევეხოთ მათ ფიზიკურ მდგომარეობებს.

ცნობილია, რომ შეიქმნა 3 მდგომარეობიანი კომპიუტერებიც მაგრამ მათ განვითარება ვერ ჰპოვეს რადგან ბევრი დადებითის გარდა გააჩნდათ უარყოფითი მხარეებიც გამოთვლების სისწრაფესთან დაკავშირებით.

თვლის სისტემების შესწავლა აუცილებელია იმისათვის რომ ხშირად პროგრამირებაში საჭირო ხდება ე.წ. რვაობითი და თექვსმეტობით რიცხვებთან მუშაობა. ისინი ძირითადად შემოღებულია ზემოთ მოყვანილი ორობითი რიცხვების მარტივად წარმოდგენის მიზნით.

შევისწალოთ თვლის ორობითი, რვაობითი და თექვსმეტობითი სისტემები თანმიმდევრობით. პირველად განვიხილავთ ჩვენს მშობლიურ თვლის 10-ობითი სისტემას და შემოვიტანთ ზოგიერთი საჭირო განმარტებას.

უშუალო დიალოგისგან განსხვავებით კომპიუტერული დოკუმენტაციის კითხვისას გამოწვეული, შესაძლო ვირტუალური, მორალურ-იურიდიული ექსცესების თავიდან აცილების მიზნით წინასწარ შევთანხმდეთ რომ :

1) გამოთვლებისას რიცხვებს სასურველია ყოველთვის მივუწეროთ ინდექსი რომლითაც მივუთითებთ თუ რა სისტემაშია იგი წარმოდგენილი, წინააღმდეგ შემთხვევაში შეიძლება გამოთვლები ჩავატაროთ შეცდომით. მაგ. გაუგებარია რიცხვი 101 რა სისტემაშია წარმოდგენილი 2-ობითში, 10-ობითში, 8-ობითში თუ 16-ობითში, რადგან, როგორც შემდეგ ვნახავთ ეს ციფრები (1 და 0) გვაქვს 2-ობითშიც, 8-ობითშიც და 16-ობითშიც. ამიტომ, თუ ის 8-ობითშია უკეთესია მივუწეროთ ინდექსი ე.ი. 1018. ან მაგალითად, რიცხვი 305, აშკარაა რომ იგი არ არის 2-ობით სისტემაში, მაგრამ დანარჩენ სისტემებზე ამას ვერ ვიტყვით.
მაგალითად,

11012 - არის ორობითში.
100110 - არის ათობითში.
და ა. შ.

2) 2-ობითი, 8-ობითი და 16-ობითი რიცხვები არ იკითხება ისე, როგორც 10-ობითი, არამედ ცოტათი უნდა შევურაცმყოთ თავი და უნდა წავიკითხოთ მხოლოდ ციფრებად. მაგ. 01102- “ნული, ერთი, ერთი, ნული” და არა “ასათი”. ასევე 27318- “ორი, შვიდი, სამი, ერთი” და არა “ორიათას შვიდას ოცდათერთმეტი”.

თვლის ათობითი სისტემა

როგორც უკვე აღვნიშნეთ კომპიუტერი “აზროვნებს” ლოგიკური 1-ების და 0-ების მეშვეობით. მაგრამ საინტერესოა, როგორ მიიღება მათი საშუალებით რეალური რიცხვები ან ყველა ის პროცესი რასაც ადგილი აქვს მონიტორზე კომპიუტერული პროგრამის მუშაობის დროს.

არსებობს შემდეგი შესაბამისობა ორობით და ათობით რიცხვებს შორის:

ორობით ათობით
000 0
001 1
010 2
011 3
100 4
101 5
110 6
... ...
რა კანონზომიერებით მიიღება ასეთი შესაბამისობა? არსებობს გარდაქმის წესები რომელიც საშუალებას იძლევა გადავიდეთ თვლის ერთი სისტემიდან მეორეში ანუ მაგ: ათობითი 5-დან მივიღოთ ორობითი 101 ან პირიქით.

ამისათვის ჯერ უნდა ვნახოთ თუ რას წარმოადგენს ჩვენთვის კარგად ცნობილი თვლის ათობითი სისტემა.

რიცხვს რომელიც ტოლია თვლის მოცემულ სისტემაში ერთმანეთისგან განსხვავებულ ციფრთა რაოდენობისა უწოდებენ ამ სისტემის ფუძეს. მაგ: 10-ობით სისტემაში გვაქვს 10 განსხვავებული ციფრი (0, 1, 2. . . 9), ე.ი. ამ სისტემის ფუძეა 10, ასევე ორობით სისტემაში გვაქვს ორი ციფრი (0 და 1) ე.ი. ამ სისტემის ფუძეა 2.

ახლა, ვნახო თუ როგორ შეიძლება წარმოვადგინოთ ნებისმიერი 10-ობითი რიცხვი სხვა სახით, მაგ. რიცხვი 473 შეგვიძლია დავშალოთ შემდეგ შესაკრებებად:

47310 = (4 * 102) + (7 * 101) + (3 * 100) (1)

არსებობს ე.წ. პოზიციის ცნება, ლაპარაკია რიცხვში ციფრის პოზიციაზე. მაგ. 473-ში 4-ს პოზიციაა 2, 7-ისა 1, ხოლო 3-ისა 0. ე.ი პოზიციის თვლა იწყება 0-დან და არა 1-დან. (1) ტოლობაში ფუძის (10-ის) ხარისხები ამიტომაც შეესაბამებიან სამრავლის პოზიციებს. არსებობს ასევე წონის ცნებაც. მოცემული ციფრის წონა არის ამ სისტემის ფუძე ხარისხად ამ ციფრის პოზიციისა ანუ (1)-ში 4-ის წონაა 102, ხოლო 3-ის წონაა 100.
და კიდევ ერთი სრულიად ლოგიკური კითხვა:

როგორ წარმოვადგინოთ 10-ობითი წილადი რიცხვები (1) ტოლობის მსგავსად? ამ შემთხვევაში მძიმის შემდგომი ციფრის წონა იწყება 10-1-დან, მერე მოსდევს 10-2 და ა.შ. მაგ. რიცხვი 21,457-თვის გვექნება:

21,45710 = (2*101) + (1*100) + (4*10-1) + (5*10-2) + (7*10-3) (2)

იმედია ყველაფერი გასაგებია, წინააღმდეგ შემთხვევაში, უკეთესი იქნება თუკი შეასრულებთ შემდეგ ორ პუნქტს პროგრამისტების რჩევებიდან:

1. თუ გაუგებარია მაშინ გადაიკითხე კიდევ ერთხელ;
2. თუ მაინც გაუგებარია მაშინ გადადი პირველ პუნქტზე.

აი, ამჯერად სულ ეს იყო. დანარჩენი მერე . . .


ავტორი: გიორგი ბაწაშვილი (G3B)

ნაკადული: